Mae Washbourne Consulting Ltd, ymgynghoriaeth gynllunio, wedi cael ei chomisiynu gan JBSL Holdings Ltd i gynnal ymgynghoriad cyn-cais (PAC) mewn perthynas â'r cais cynllunio llawn arfaethedig yn 125-139 Stryd y Frenhines, Caerdydd.

Rydym trwy hyn yn rhoi rhybudd bod JBSL Holdings Ltd yn bwriadu gwneud cais i Gyngor Caerdydd ar gyfer y datblygiad canlynol:

Ailfodelu a newid defnydd rhan o’r adeilad presennol, gydag estyniad newydd tri llawr a phafiliwn wedi’i osod yn ôl ar do’r adeilad (bwyty a bar ar ben y tô), yn cynnwys gwesty 158 ystafell wely, gwelliannau i ffasadau allanol yr adeilad gan gynnwys adnewyddu’r gwaith maen, ffenestri newydd, goleuadau allanol; mynedfa newydd i'r gwesty o Stryd y Frenhines; cyfleusterau ategol gan gynnwys storfa sbwriel a darpariaeth ar gyfer beiciau.

Cyn cyflwyno'r cais yn ffurfiol i'r Awdurdod Cynllunio Lleol, ac yn unol â’r gofynion a nodir ym Mhennod 1A o Orchymyn Cynllunio Gwlad a Thref (Gweithdrefn Rheoli Datblygu) (Cymru) 2012 (fel y’i diwygiwyd), bydd y cynnig yn destun ymgynghoriad cyn-cais.

Ar hyn o bryd, mae’r safle yn cynnwys adeilad sylweddol ar gyffordd Stryd y Frenhines gyda Dumfries Place a Station Terrace, gan ffurfio pwynt ffocal amlwg yn nhirwedd canol dinas Caerdydd. Mae’r adeilad wedi’i leoli yn Ardal Gadwraeth Stryd y Frenhines, ac mae’r gornel flaen gron yn rhif 139 Stryd y Frenhines wedi’i rhestru’n lleol.

Mae 125-139 Stryd y Frenhines yn cael ei ddefnyddio llai nag y gallai fod, ac mae’r adeilad Art Deco trawiadol hwn yn elwa o adferiad gofalus a gwelliannau modern. Mae ein cleient yn cynnig ymestyn yr adeilad trwy ychwanegu tri llawr, ynghyd â phafiliwn wedi’i osod yn ôl ar do’r adeilad ar gyfer bwyty a bar ar ben y tô (‘sky-bar’).

Bwriad y datblygiad yw darparu llety gwesty o ansawdd uchel (4 neu 5 seren) mewn lleoliad allweddol yng nghanol dinas Caerdydd – gan helpu i ateb y galw cyfredol a’r galw disgwyliedig am lety gwesty ychwanegol a chyfleusterau cysylltiedig.

Bydd yr adeilad presennol yn cael ei adfer a’i atgyweirio’n llawn, gan wella ei safle fel ‘porth’ ar gyrion Stryd y Frenhines a’r ardal gadwraeth. Bydd yr unedau manwerthu presennol ar lefel y stryd (ar hyn o bryd yn cael eu defnyddio gan KFC a J Sainsbury’s) yn cael eu cadw fel rhan o’r datblygiad.

I grynhoi, bydd y gwesty newydd yn cynnwys datblygiad o 158 o ystafelloedd o safon uchel, gan gynnwys campfa’r gwesty, bwyty a bariau. Mae’r prif elfennau fel a ganlyn:

A) Newid defnydd uned fanwerthu (a fu’n gartref i ‘Creams’ yn flaenorol ond sydd bellach yn wag) i hwyluso mynediad newydd i’r gwesty o Stryd y Frenhines;

B) Newid defnydd lloriau uchaf presennol sydd heb eu defnyddio’n llawn, i’w defnyddio fel gwesty;

C) Ymestyn yr adeilad presennol trwy ychwanegu tri llawr newydd, ynghyd â phafiliwn wedi’i osod yn ôl ar lefel y seithfed llawr i’w ddefnyddio fel bwyty a bar ar ben y tô (‘sky-bar’); a

D) Uwchraddio, atgyweirio a gwella’r adeilad yn gynhwysfawr, gan gynnwys ffenestri newydd, goleuo allanol a darpariaeth ar gyfer beiciau.

Os hoffech wneud sylw ar y datblygiad arfaethedig, rhaid i chi wneud hynny erbyn 14 Mawrth 2025.

Rydym yn eich annog i lenwi’r ffurflen ar-lein ac anfon eich sylwadau drwy e-bost i info@washbourneconsulting.co.uk.
Neu gallwch bostio eich sylwadau i:

PO Box 2463
Salisbury
SP2 2UF